HotPicks

#middleclass: வீடு கட்டும் போது ஏற்படும், தேவையற்ற செலவுகளை எப்படி கண்டுபிடிப்பது? அஸ்திவாரம் போடும் முன் இதெல்லாம் கண்டிப்பாக செய்ய வேண்டுமாம்!

Aug 21 2020 03:42:00 PM

புதிதாக வீடு கட்டுவதால் இது குறித்து பெரும் அனுபவம் இல்லை. தெரிந்த நண்பர் ஒருவர் என்ஜினியராக உள்ளதால் அவரிடம் சில அறிவுரைகளை பெற்ற போது கிடைத்த தகவல்களை உங்களிடம் பகிர்ந்து கொள்கிறேன். நீங்களும் என்னை போல் இப்போது தான் வீடு கட்ட போகிறீர்கள் என்றால், அடிப்படை தகவல்களை தெரிந்து கொள்ள இந்த பதிவு கண்டிப்பாக உங்களுக்கு உதவும். இது குறித்து நீங்க விவாதித்தாலே, உங்களுக்கு வீடு கட்டுவது குறித்து சில அடிப்படை அறிவு உள்ளது என ஏமாற்ற நினைப்பவர்கள் கூட உங்களிடம் எச்சரிக்கையாக இருப்பார்கள். 

soil-test building-house

வீடு கட்டும் முன் சில சோதனைகள் செய்து உறுதி படுத்தி கொள்ள வேண்டியது அவசியம். அந்த வகையில், soil bearing capacity test அதாவது மண்ணின் தாங்கு திறன், அடுத்து load bearing capacity அதாவது எந்த மாதிரியான வீடு கட்ட போகிறீர்கள். இது இரண்டும் மிக அடிப்படையான ஒன்று. இதற்கு தெளிவான பதில் கிடைத்தால் தான் பட்ஜெட் கணக்கிட முடியும்.

soil-test building-house

அடுத்து கஸ்டமரின் தேவைக்கு ஏற்றபடி எப்படியெல்லாம் வேண்டும் என்பதை வைத்து பட்ஜெட் கணக்கிட ஆரம்பிப்பார்கள். உதாரணத்திற்கு வீடு 1000 சதுர அடியில் கட்ட போகிறீர்கள் என வைத்து கொண்டு, அதற்கான செலவை கணிப்போம். முதலில் வரைபடம்(plan), வரைபடத்திற்கான அப்ரூவல்(plan approval), கட்ட வடிவமைப்பு(structural design) இவற்றிற்கு எல்லாம் சேர்த்து 40,000 திலிருந்து 50,000 வரை வரலாம். அடுத்து கட்டுமான பொருட்கள் செங்கல், மணல், கம்பி இவையெல்லாம் சேர்த்து எட்டு முதல் ஒன்பது லட்சம் வரலாம். 

soil-test building-house

தொழிலாளர்கள் செலவு நாலு முதல் நாலரை லட்சம் வரலாம். டைல்ஸ் மற்றும் பெயின்டிங் சேர்த்தால் ஒன்னு முதல் ஒன்றரை லட்சம் ஆகலாம். மொத்த செலவு 13 லட்சம் முதல் 14 வரை வரக்கூடும். நடுத்தர நகரம் எனில் இந்த செலவு பொருந்தும். சென்னை போன்ற வளர்ந்த நகரங்களில் இன்னும் ஆகலாம். மெட்டீரியல் செலவை நம்ப முடியாது என்பதால், எப்போதுமே வீடுகட்டும் போது கையில் கொஞ்சம் எஸ்டிமேட் செய்வதை விட கூடுமானதாக வைத்துக்கொள்வது நல்லது.

soil-test building-house

அடுத்து முக்கியமான ஒன்று இந்த செலவில் கதவு, ஜன்னல், போர் செலவு, வாட்டர் டேங்க், செப்டிக் டேங்க், ஒயரிங் வேலை இதெல்லாம் இந்த லிஸ்டில் வராது. இதற்கெல்லாம் தனியாக ஒரு அமொண்ட்டை எடுத்து வைத்து கொள்ளுங்கள். 

soil-test building-house

சரி, என்னவெல்லாம் செய்தால் செலவை குறைக்க முடியும் என்பதை பார்ப்போம். ஆற்று மணலுக்கு பதில் எம்-சேன்ட், செங்கலுக்கு பதில் சாலிட்ப்ளாக் அல்லது இன்டர் லாக்கிங் செங்கல் பயன்படுத்தினால் மொத்த செலவில் இருந்து பத்து முதல் பதினைந்து சதவீதம் செலவை குறைக்க முடியும்.

soil-test building-house

முதலில் சொன்னது போல் தான், மண்ணின் தாங்கு திறன் மற்றும் எந்த மாதிரியான வீடு கட்ட போகிறீர்கள் என்பதை பொறுத்து செலவு இடத்திற்கு இடம் மாறுபடும். நாம் கட்டும் வீடு ஆற்றுப்படுகை அருகோ அல்லது கடல் பகுதி அருகோ அல்லது களிமண் கொண்ட பகுதியாக இருந்தால் மண்ணின் தாங்கு திறன் (soil testing) கண்டறிவது இன்றியமையாதது.